Ato Paskal
Hirup lir ibarat lengkah
Sing ati ati tur tarapti
nincak ulah ngan saukur lampah
komo bari jeung dudupak rurumpak
bisi manggih beling nu pastina bakal nyugak
Hirup jeung kahirupan
lir ibarat lengkah jeung tujuan
lengkah merenah
tinangku barokah tujuan
nu ku urang baris kahontal
Panggoda dunya tong dijadikeun alesan
pikeun ngalengkah salah
lantaran bala tangtuna bakal karasa
Kamajuan dunya
kudu dibarengan ku motekar akal
lengkah kudu basajan
sangkan merenah tur barokah
Tidak ada komentar:
Posting Komentar